I-ый открытый фестиваль бега "Заходский круг"

Дата: 21 октября 2018 в 12:17, Обновлено 28 октября 2018 в 12:23

399 просмотров

У рамках шостага школьнага дня 20 кастрычніка ў аг.Заходы адбыўся І адкрыты фестываль бегу “Заходскі круг”, ініцыятарам якога з’явілася дзяржаўная ўстанова адукацыі “Заходскі яслі-сад – базавая школа Рэчыцкага раёна” пры цесным узаемадзеянні з Сельскім саветам на чале са старшынёй Лісоўскай Наталляй Леанідаўнай.
Мэты фестывалю: прапаганда ЗЛЖ, уцягванне бацькоў, дзяцей, людзей усіх узроставых катэгорый да заняткаў фізічнай культурай і бегам як найбольш даступным відам спорту.

Адкрыццё фестывалю адбылося на пляцоўцы каля Сельскага савета. З уступным словам да ўдзельнікаў і жыхароў вёскі выступілі Тарасенка А.А., дырэктар установы адукацыі, і Лісоўская Н.Л., старшыня С/савета, якія пажадалі ўсім добрага настрою, перамог і актыўнага ўдзелу ў мерапрыемстве.
Першая дыстанцыя на 60 метраў была заліковай для дашкольнікаў. Пераможцам стала Картаева Марыя.
Наступная дыстанцыя на 100 метраў заліковая для школьнікаў 1 – 4 класаў. Сярод дзяўчынак перамагла Салавей Вераніка, сярод хлопчыкаў – Лісіменка Мікіта.
Дыстанцыя на 400 метраў была заліковай для вучняў 6 – 11 класаў і дарослых. Пераможцамі сталі Карака Алеся і Токараў Даніла.
Першая сур’ёзная дыстанцыя – 1 Заходскі круг, адлегласць якога складае 2060 метраў. Удзельнікам на гэтай дыстанцыі было ад 14 гадоў і вышэй. Пераможцы: Карака Алеся і Юніцкі М.С.
Вяршыняй фестывальнага бегу па вуліцах аг.Заходы стала дыстанцыя 10300 м., удзельнічалі ў якой прадстаўнікі Рэчыцкага клуба аматараў бегу “Расінка”, сярод якіх быў ужо вядомы нам сверхмарафонец Чарнашэй Юрый, які і стаў пераможцам. Сярод прадстаўніц жаночага полу перамагла Кастрама Вольга.
Гэта дыстанцыя скарылася таксама і самаму старэйшаму ўдзельніку фестывалю, 82-гадоваму Мажэеву Івану.
Добрая, шчырая атмасфера прысутнічала на працягу ўсяго часу правядзення мерапрыемства. Вынікам фестывалю стала ўзнагароджанне пераможцаў.
Выражаем словы падзякі спонсарам фестывалю: КСУП “Камсамольск”, раённаму камітэту ГА БРСМ, а таксама членам апякунскага савета нашай установы адукацыі.
У наступным годзе, на ІІ фестывалі, чакаем новых удзельнікаў і пераможцаў.

Все новости

Комментарии:

Оставлять комментарии могут только авторизованные посетители.